Təklifin nisbi artımı mənzillərin qiymət dinamikasının azalmasının qarşısını almamışdır. Araşdırmalar göstərir ki, təklifin sabit qalmasına baxmayaraq ümumi təklif portfelində yeni tikililərinin payının (60.9%) artımı davam edir.
Araşdırmalar göstərir ki, təkrar bazardakı yeni tikililərin sayı ötən ayla müqayisədə nisbi (0,2%) artmışdır.
Bazarda təklifin (0.2%) artmasına baxmayaraq, orta qiymət 0.7% azalmışdır. İpoteka kreditləşməsinin təsiri nəticəsində əmlakın bu növü üzrə likvid dəyər sabit qalsa da, risk dərəcəsi hələ də yüksəkdir.
Aparılan araşdırmalardan məlum olub ki, təkrar bazarda şəhər üzrə mənzillərin qiymət indeksi qiymətə müvafiq olaraq azalıb (-0.7%). Təkrar bazarda dinamikaya təsir göstərən amillərin çox olmasına baxmayaraq əmlakın bu növü üzrə qiymət azalması ilkin bazardan daha dinamik müşahidə olunur. Ekspertlər bu amili ilkin bazarda qiymətlərin sahibkarların nəzarətində olması, eyni zamanda təkrar bazar üzrə qiymətlərin əmlakın real dəyərindən hələ də baha olması ilə əlaqələndirilər.
Iyul ayında aktivlik əmsalına görə ən cəlbedici rayonlar ötən ay olduğu kimi Xətai, Yasamal, Binəqədi və Nərimanov rayonları olub. Bu rayonların ən vacib cəhəti ipoteka üçün daha səmərəli olmaları göstərilir. Ümumilikdə ipoteka prosesində əməliyyatların əsas şəkisi bu 4 rayonun üzərinə düşür. Bu həmin rayonlarda əmlak qiymətlərinin ipotekanın normativ tələblərinə uyğunluğu və bu rayonların daha əlverişli olması ilə bağlıdır.
Aparılan araşdırmalara əsasən iyulda təklif 0.2% artmış və nəticədə bazara satış üçün təklif olunan mənzillərin sayı 6753-ə çatmışdır. Yasamal, Nəsimi, Nərimanov və Xətai rayonlarının təklif portfelindəki payı mütləq çoxluq təşkil edir və bu 4 rayonun ümumi payı birlikdə 80,0%-ə bərabərdir.
Iyul ayında otaqlar üzrə 3, 4 və 5 otaqlı mənzillərin sayında azalma qeydə alınıb. Təklif üzrə ən çox azalma 4 otaqlılarda qeydə alınıb (1,3%). 1 və 2 otaqlı mənzillərin təklif üzrə payında isə artım müşahidə olunub. Ən çox artım 2 otaqlı mənzillərdə qeydə alınıb (0.2%). Yeni tikililərin satışında yaranan problemlərdən sonra tikinti şirkətlərinin bir çoxu mənzillərini satmaq məqsədilə böyük kvadratlı (4 və 5 otaqlılar üzrə) mənzilləri 2 və 1 otaqlı mənzillərə bölməklə marketinq və satış siyasətlərində yeniliklər etməyə çalışırlar. Bu səbəbdən də tədricən təkrar bazara daxil olan yeni tikililərin hesabına yenidən 2 otaqlı mənzillər ümumi portfeldə 3 otaqlı mənzillərə yaxınlaşmaqdadır. Buna uyğun olaraq ay ərzində təkrar bazara satışa çıxarılan mənzillərin otaqlar üzrə pay bölgüsü aşağıdakı kimi olub:                                                                                      
Iyul ayında qiymət indeksində 1.5 bənd azalma müşahidə edilib. Orta qiymət 0,7% azalaraq ötən ay qeydə alınmış 1110 $/kv.m-dən 1102 $/kv.m-ə enmişdir. Ay ərzində heç bir rayonda qiymət artımı qeydə alınmayıb. Iyulda ən çox qiymət azalması Binəqədi rayonunda (0.7 %) baş verib.
Bazarda mənzillərin 1 kv.m-in orta qiymətindən (1102 ABŞ dolları) aşağı olan mənzillər ümumi portfeldə daha çox paya, yəni 58,6%-ə malikdir. Mənzillərin orta otaq göstəricisi 2.54, hər otağın orta satış qiyməti 45621 ABŞ dolları, mənzilin orta qiyməti isə 118740 ABŞ dolları təşkil edib.

www.ebi.org.az