Tikintinin sürətini azaldan iqtisadi böhran son 12 ayda Bakıda torpağın qiymətinin 13,8 faiz düşməsinə gətirib çıxarıb. Buna baxmayaraq, bazarda tələbat yenə azalır.

Daşınmaz əmlak bazarı işçtirakçıları” (DƏBİ) ictimai birliyinin rəyinə görə, təkcə apreldə Bakıda torpağın qiyməti 1,2 faiz ucuzlaşıb. Apreldə bir sot torpağın orta qiyməti 14 265 dollar olub. Apreldə torpağın qiyməti paytaxtın hər yerində ucuzlaşıb. Təkcə Mərdəkanda nisbi artım olub (0,2 faiz).

Daşınmaz əmlakın alqı-satqısını qeydə alan rəsmi orqan olan Əmlak Məsələləri Dövlət Komitəsi bu ilin yanvarından daşınmaz əmlak bazarının, o cümlədən torpaq bazarının aktivlik tendensiyası və dinamikasını açıqlamır. DƏBİ-nin tədqiqatlarına əsasən, Bakıda torpaq satışı üzrə əqdlər azalır. DƏBİ-nin icraçı direktoru Ramin Osmanov Turan-a deyib ki, apreldə bazarda 700 subyekt 800 hektar torpaq təklif edib, onlar əsasən boş sahələrdir.

Hazırda Bakıda ən bahalı yer “Kubinka” sayılır (Nəsimi rayonu). Burada 1 sot 250 000 dollara təklif edilir. Abşeronda ən ucuz torpaq 350 dollara Pirəkəşküldə təklif olunur.

www.ans.az