Ümumilikdə fevral ayında araşdırılan 89 adda məhsuldan 12-si üzrə qiymət azalması, 7-si üzrə qiymət artımı, 70-i üzrə isə stabillik müşahidə edilib. Qiyməti azalan məhsullar ümumi təklif portfelində əsas çəkiyə sahib olan məhsullardan olduğundan bazardakı orta qiymətlərdə də azalma qeydə alınıb. Nəticədə ay ərzində bazarda formalaşan orta qiymətlərdə azalma yanvar ayı ilə müqayisədə 1.3% təşkil edib.
Fevral ayı üzrə orta qiymətlərində azalma müşahidə edilən tikinti materialları aşağıdakılardır:  dikt - 2,3%, DSP - 2,31%, DVP - 9,09%, armatur - 2,56%, boru - 1,13%, şüşə - 0,53%, plastik boru - 0,37%, izolyasiya - 3,45%, mismar - 20,0%, alkapon - 3,8%, penoplast - 7,14%, bitum - 11,11%.
Ötən ay üçün eyni göstərici üzrə artım müşahidə edilən tikinti materialları isə bunlardır: künyə 0,56%, şveller 5,08%, dəmir təbəqə 15,07%, sink təbəqə 1,78%, katinka 6,90%, lambirin 18,52%, laminat-parket 0,87%.
Digər tikinti materiallarının qiyməti fevral ayında stabil qalıb.
Fevral ayında yerli istehsal mallarının ümumi qiymət portfelindəki payı idxalı 2,94 dəfə üstələmişdir.
Aparılan araşdırmalar göstərir ki, fevralda qiymət azalmasına uyğun olaraq tələbdə də azalma müşahidə olunub.
Aylıq nəticə isə belədir ki, ay ərzində tikinti materiallarının orta qiyməti 1.3% azalmışdır. Ümumilikdə isə tikinti materiallarının qiymətində ötən bir illə müqayisədə 29.7% qiymət azalması qeydə alınıb. Qiymət indeksi isə ötən aya nisbətən 1.7 bənd azalaraq 127.4 səviyyəsində qərarlaşıb

www.ebi.org.az