| Oktyabr ayı ərzində təkrar bazar üzrə bağlanan əqdlərin dinamikasında əvvəlki ayla müqayisədə artım qeydə alınıb (-0.7%). Ay ərzində ümumi təklif portfelində köhnə mənzillərin payı ötən aya nisbətən azalıb. Təklifin cüzi azalmasına əsasən mənzillərin qiymət dinamikasında azalan tendensiyanın dərinləşməsi səbəb olmuşdur.
Araşdırmalar göstərir ki, təklif üzrə azalma ümumi təklif portfelində yeni tikililərinin payının (59%) cüzi azalmasına təsir göstərib.
Təkrar bazardakı yeni tikililərin sayı ötən ayla müqayisədə (-1.4%) azalmışdır. Bazarda təklifin (2.0%) azalmasına baxmayaraq orta qiymət də 2.9% ucuzlaşıb. İpoteka kreditləşməsinin təsiri nəticəsində əmlakın bu növü üzrə likvid dəyər nisbi artsa da, risk dərəcəsi hələ də yüksək olaraq qalır. Əqdlərin sayının azalması təkrar mənzillər üzrə yenidən ekspozisiya müddətinin artımı ilə müşahidə olunmuşdur. Sentyabrla müqayisədə oktyabrda ekspozisiya müddəti daha 3 gün artaraq 105 günə çatıb. Təklifin azalması və bazarın bu seqmentində əmlakın likvid dəyərinin artması əmlakın bu növü üzrə gəlirlik əmsalına müsbət təsir göstərmiş və təkrar mənzil bazarı üzrə gəlirlik artmışdır (2.3%).
Aparılan araşdırmalardan məlum olub ki, təkrar bazarda şəhər üzrə mənzillərin qiymət indeksi qiymətə müvafiq olaraq azalıb (-2.9%).
Yeni tikililərin sayının təkrar bazarda ümumi təklif portfelində artması nəticəsində otaq sayına görə təklif portfelində 3 otaqlı mənzillərin mövqeyi güclənib. 2 otaqlı mənzillər üzrə tələb və təklifin digər mənzilləri üstələmə tendensiyası sentyabrda yenidən 3 otaqlı mənzillərlə əvəz olunmuş və bu tendensiya oktyabr ayında da davam etmişdir. Oktyabr ayında aparılan araşdırmalar təkrar bazarda 3 otaqlı mənzillərin ümumi portfeldəki payının (39,3%) 2 otaqlıları (36,9%) üstələdiyini üzə çıxarıb. Oktyabrda təkrar bazarda ümumi təklif portfelinə Yasamal rayonu (28,5%) başçılıq edib. Yasamal rayonunun ümumi təklif portfelində həlledici mövqeyə qalxması bu rayondakı yeni tikililərin sürətlə təkrar bazara inteqrasiyası nəticəsində meydana çıxıb.
Oktyabr ayında aktivlik əmsalına görə ən cəlbedici rayonlar ötən ay olduğu kimi Xətai, Nərimanov və Yasamal rayonları olub. Bu rayonların ən vacib cəhəti ipoteka üçün daha səmərəli olmaları göstərilir.
Təkrar mənzil bazarında qiymət indeksi 7 bənd azalaraq 232,4 bənd səviyəsində qərarlaşıb.
Aparılan araşdırmalara əsasən oktyabrda təklif 2% azalmış və nəticədə bazara satış üçün təklif olunan mənzillərin sayı 7000-ə enmişdir. Yasamal, Xətai, Nərimanov və Nəsimi rayonlarının təklif portfelindək payı mütləq çoxluq təşkil etmiş və bu 4 rayonun ümumi təklif portfelindəki payı birlikdə 78,6%-ə bərabərdir.
Oktyabr ayında otaqlar üzrə 1 və 5 otaqlı mənzillərin sayında azalma qeydə alınıb. Təklif üzrə ən çox azalma 1 otaqlılarda qeydə alınıb (1,9%). 2, 3 və 4 otaqlı mənzillərin təklif üzrə payında isə artım müşahidə olunub. Ən çox artım 3 otaqlı mənzillərdə qeydə alınıb (3.4%).
Oktyabr ayında qiymət indeksində 7 bənd azalma müşahidə edilib. Orta qiymət 2.9% azalaraq ötən ay qeydə alınmış 1280 $/kv.m-dən 1243 $/kv.m-ə enmiş və 2007-ci ilin fevral ayında qeydə alınan nəticədən aşağı enmişdir.
Ay ərzində yeganə orta qiymət artımı Qaradağ rayonunda (0.4% ) qeydə alınmışdır. Digər rayonların hamısında qiymət azalması baş verib. Oktyabrda ən çox qiymət azalması Binəqədi rayonunda (2.2%) qeydə alınıb.
Bazarda mənzillərin 1 kv.m-nin orta qiymətindən (1243 ABŞ dolları) aşağı olan mənzillər ümumi portfeldə daha çox paya, yəni 56,2%-ə malikdir. Mənzillərin orta otaq göstəricisi 2.49 (artım 2%), hər otağın orta satış qiyməti 48230 ABŞ dolları (artım 1.8%), mənzilin orta qiyməti isə 112319 (azalma 2.8%) ABŞ dolları təşkil edib.
http://www.ebi.org.az/tekrar-bazar/118-kohne-tikililer.html |
